Формальдегид туындылары

 

Формальдегид – Formaldehydum. Өзіне тән ерекше иісі бар газ; химиялық құрылысы бойынша ол – құмырсқа қышқылының альдегиді.

Емдеу мақсатында формальдегидтің 40 проценттік сулы ертіндісі, яғни  формалин қолданылады, сатудағы формалинде, әдетте, тек 38% газ болады. Бұл – мөлдір, түссіз, ерекше ащы иісі бар сұйық зат; ол 9   градустан кем емес температурада, қараңғы, құрғақ жерде және аузы жақсы жабылатын ыдыста сақталады. Жарық және салқын жерде, сондай-ақ тұрса, формалинде  параформальдегидтің ірімтіктері пайда болады. Ірімтікті ертіндіні қайтадан мөлдір түске қайнату немесе жылы жерге қою арқылы келтіруге болады. Формалинге метил спиртін қосса, оны ірімтік құрылуыынан сақтауға болады.    

Утропин – Urotropinum. Ол — ақ, кристалды, ілкіде тәттіқуырғыш дәмді, кейін ащы дәмді ұнтақ; ол – формальдегид пен аммиактың қосылысы, суға жақсы ериді. Қыздырғанда балқымай, бірден буланып ұша бастайды, сондықтан ол аузы берік жабылатын ыдыста сақталады; оның сулы ертінділерін қыздырғанда формальдегидтің иісі пайда болады.