ЖҰМАҒАЛИЕВ Абдолла (1915, Бат.Қазақстан обл. Сырым ауд. Жосалы а. -26.9.1942) -ақын. Орал пед. инс-тын (қазіргі Бат. Қазақстан мемл. ун-ті, 1936), ҚазҰПУ-ды бітірген. 1938-39 ж. Қызылорда сауда техникумында оқытушы, 1939 -41ж. Қазақ мемл. көркем әдебиет баспасында редактор болған. 1941 ж. шілдеде әскерге шақырылып, 2-дүниежүз. соғысында қаза тапқан. Ж-тің ерлігіне арнап Қ.Аманжолов «Ақын өлімі туралы аңыз» поэмасын жазды (1943). Ж-тің алғашқы өлеңі «Біздің еңбек» альманағында (Орал. 1934) жарық көрген. 1936 -41 ж. шығармалары респ. баспасөзде жарияланып тұрған. Ол «Токиодағы дауыс»,»Шығыс қызы», «Асан қайғы туралы аңыз» атты поэмаларын жазды. Байрон, Низами, Тоқтағұл шығармаларын қазақ тіліне аударған. Ақынның әдеби мұралары «Таңдамалы өлеңдер» (1945),»Өшпес жалын» (1962),»Өлмес өмір дастаны» (1985) атты жинақтарында жарияланған. Қазақстан мемл. сыйл. иегері(1996).