ДАУЫМОВ Сатыбалды (15.1.1935. Бат. Қазақстан обл. Бөкей ордасы ауд. -29.5.2004, Алматы) -ақын, журналист. Қазақстан Жазушылар одағының мүшесі (1990). Қазақстанның еңб. сің. мәдениет қызметкері. ҚазҰУ-ды бітірген (1959). 1959 -70 ж. «Қазақстан ауыл шаруашылығы» журналының әдеби қызметкері, аударма бөлімінің меңгерушісі, 1970 -95 ж. «Еңбек таңы» журналының бас редакторы қызметтерін атқарған. Алғашқы өлеңдер топтамасы «Жайық жырлары» деген тақырыппен 1955 ж. Бат. Қазақстан обл. «Екпінді құрылыс» газетінде жарияланған. «Жалын ғұмыр» (1990),»Тауқыметті тағдыр»(2000),»Сатыбалды» (өлеңдер мен поэмалар), «Сонау бір тұрған Нарында» кітаптары жарық көрген. «Ғасыр, саған айтам», «Елестер мен белестер», «Аспан асты, жер үсті» поэмалары, зерттеу мақалалары, очерктері әр түрлі мерзімдік басылым беттерінде жарияланды. Казақстан Жоғ. Кеңесінің Құрмет грамоталарымен, медальдармен марапатталған.