Адам көрсе тап береді,
Ылғи маған тап келеді.
Үй тұсынан біреу өтсе,
Үргенін де бақ қөреді –
Сіздің ит.
Салпаң құлақ сақ келеді,
Сүйегіңді қақ бөледі.
Адамзаттан именсе де,
Итті көрсе тап береді –
Біздің ит.
Бүгін ит боп таласады,
Ертең қайта жарасады –
Сіздің ит пен біздің ит.
Жарасайық, жараспайық,
Итпен бірге таласпайық,
Туа соның тартып жүрміз азабын,
Оңған емес сіздің ит те,
Оңған емес біздің ит те,
Кел, иттікті аластайық,
Қазағым!
АҚСҰҢҚАРҰЛЫ СЕРІК