ӘЛІБАЕВ Игібай (1903, Солт. Қазақстан обл. Пресновауд. Айтуар а. -1978. сонда) -ақын. Өз әкесі Тәжібай,оның ағасы Елібай (Игібайды бауырына басып,бала етіп алған) -бәрі Біржан салдан тәлім алған әнші, өлеңшіл,өнерпаз болған. Ә. Қызылжардағы (Петропавл) Қазақ пед. техникумын бітірген (1921). Ұзақ жылдар ауылда мұғалім болған. Техникумдағы және өзі сабақ беретін мектептердегі әнші-музыкантгар үйірмесін
басқарған. Ә. респ. өнерпаздардың байқауларына,айтыстарға (Т.Хасенов,А.Нұртазин,М.Асайынов,У.Темірбеков т.б.) қатысып,жүлдегер атанған. 1974 ж. «Айтуар» өлең кітабы жарық көрген. Ә-тың орындауында Ақан серінің,Балуан Шолақтың,Біржанның, Ыбырайдың кейбір әндері грампластинкаларға жазылған. Ә. «1941-1945 жылдардағы Отан соғысы кезіндегі қажырлы еңбегі үшін» (1946),»Еңбекте үздік шыққаны үшін»(1958)медальдарменмарапатталған