ӘЗИЕВ Әмен Махатұлы (6.6.1927. Қарағанды обл. Қарқаралы ауд. -6.6.2003. Алматы) -ғалым,жазушы,филол. ғыл. кандидаты (1969). Қарқаралы пед. уч-щесін (1943). ҚазҰУ-ды (1950)»бітірген. 1943-1949ж. Қарқаралы ауд. соғыс комиссариатында қызмет істеген. 1949 ж. ун-тте оқи жүріп «Лениншіл жас» (қазіргі «Жас Алаш») газетінде бөлім меңгерушісі,1950 -1952 ж. Тіл және әдебиет ин-тының кішіғыл. қызметкері. 1952 -1961 ж. Қарағанды обл. «Советтік Қарағанды» газетінің әдеби қызметкері,бөлім меңгерушісі,кейін жауапты хатшысы. 1961 ж. Қарағанды телестудиясының директоры. 1966-1973 ж. Қарағанды пед. ин-тында Қарағанды мемл. ун-тінде аға оқытушы. 1973 -1982 ж. Қарағанды политех. ин-тында доцент болып жұмыс істеген. Оның «Достық күші» деген тұңғыш әңгімесі 1957 ж. «Жұлдыз» журналында жарияланды. 1968 ж. «Есіл ару» атты пьесасы Қарағандының обл. драма театры сахнасында қойылды.