БЕРКЕНОВА Әсия Әйіпқызы (22. 4.1950 ж.т„ Қостанай обл. Әулиекөл ауд. Ноғайкөл а.) айтыс ақыны. Қазақстанның халық ақыны (1990). Қазақ қыздар пед. ин-тын бітірген (1972). 1972 -97 ж. Наурызым, Әулиекөл аудандарында мектепте мұғалім болып жұмыс істеген. 1997 жылдан Қостанай қ-ндағы Мемл. тілді жеделдете үйрету орталығында қызмет істейді. Әр жылдары респ.
ақындар айтысында бас жүлдені жеңіп алған. Республикада тұңғыш рет өткізілген қыздар мен жігіттер айтысында Ақын Сара атынд. жүлденің иегері атанды. Қазақстан-Өзбекстан ақындар айтысының бас жүлдегері (1992).