«БАРАҚ БАТЫР»-тарихи дастан.Барақ батырдың жоңғар шапқыншылығына қарсы соғыстағы ерлік істері баяндалады. Ел аузындағы әңгімелер негізінде Б.Тұрсынбайұлы 1941 ж. дастан етіп жазған. Дастанның негізгі оқиға желісі Барақ батыр бейнесін жан-жақты ашып көрсетуге құрылған. Қол-жазба нұсқасы Әдебиет және өнер ин-тының Қолжазбалар қорында сақтаулы. Дастан 7-8 буынды жыр үлгісімен жазылған.