ӘБДІКӘРІМОВ Шаһизада (16.9. 1957 ж.т.. Қызылорда обл. Қармақшы ауд. «Жаңа жол» а.) — ақын. ҚазҰУ-ды бітірген. Қармақшы ауд «Коммунизм шамшырағы» (қазіргі «Қармақшы таңы») газетінде әдеби қызметкер, Байқоңыр қ-лық телекомпаниясының төрағасы, респ. «Қазақстан -1» телеарнасының Қызылорда обл. және Байқоңыр ғарыш кешеніндегі меншікті тілшісі, Қызылорда арнайы экон. аймағы теледидарының төрағасы қызметтерін атқарған. Қазір Қызылорда жеке меншік телерадио комитетінің төрағасы. Алғашқы өлеңдері 1975 ж. «Көктем тынысы», 1983 ж. «Қарлығаш» жинақтарына енген. «Байқоңыр», «Төрткүл» жыр жинағыныңавторы. «Байқоңыр» жинағы қырғыз тілінде жарық көрді (2001).