Келіп хабар бергенде,
Неше қылыш келген екен жәннаттан?
Ніл дарияның көпірі
Болған екен не заттан?
Көлде жүрген күмпілдек,
Судан даусы шыққан әупілдек,
Бұл болған екен қай жақтан?
Суда жүрген итбалық,
Неден азған екен бұ халық?
Қашаған:
Әлеумет келсе жиылып,
Айтқан сайын сөздерім
Келе берер құйылып.
Отырмаймын сарғайып,
Кісіден көмек сұраман,
Тілемсектей қол жайып.
Менің айтқан сөзімді
Нұреке, көрме сен айып.
Нұреке, сенің қаңқуың –
Қапталымнан жабысқан
Жақтырмайтын шаншуым.
Ұраным Қосай болғасын,
Бүйірімнің тартуын.
Бүйірім, әттең, бұрып тұр,
Амалы түскір құрып тұр.
Басқа біреу болғанда,
Маған қиын емес еді
Табаныммен тарпуым,
Ауызыммен қарпуым.
Өзім әзер жүргенде,
Қай-қайдағы пәлелерді артуын!
Қашаған Күржіманұлы