«Бисмилла» деп ауызға ал бір Құдайды,
Азап көрсе шыбын жан шырқырайды.
Имансыз бұл дүниеден өткен жанның
Түтіндеген бетінен бүр қашады.
Иман білмек шын парыз мұсылманға,
Пірлердің жәрдемі көп қысылғанда.
Шапағатты төге көр, жаратқаным,
Ақ ниетті алдыңа ұсынғанда.
Күнің қараң күдік ойдан шықпаған соң,
Бойыңа ізгіліктер жұқпаған соң.
Береке кей пендеден алыстайды,
Мәнісін бес парыздың ұқпаған соң.
Имандылық тірліктің маңызы деп
Үйретсе, молдада елдің қарызы жоқ.
Міндет санап бес парыз өтемеген
Адамның Алла алдында қарызы көп!
Құлыншақ Кемелұлы