Сүйемін деп тағы да қайталашы,
Қайталашы, қанша рет айта аласын.
Жүрек барда – шайырдын көзесіндей,
Көңіл барда – сұлулар шайханасы.
Тілін жүр ем үйреніп түнерудің,
Арманымның елінен күле кірдің.
Құшағымда ай жатты аласұрып,
Жырын жұтты жұлдыздар жүрегімнің.
Іңкәрлігің құшағын жайса маған,
Безіп кете жаздаймын ой-санадан,
Кекіліңнен айналдым күн тараған,
Кірпігіңнен бір-бірлеп ай санаған.
Неге мұнша сезімдер күрделі еді?!
Күрделі етіп жіберді бірге мені.
Кеудемдегі бірдеңем сені көрсем,
Бірдеңе деп айтады бірдеңені
ЕРЛАН ЖҮНІС