Сағындым Күнімді – кішкентай Күнімді,
Айымды – аяулы Гүлімді,
Ең жарық Жұлдызды,
Өмірді сүруді,
Өмірді білуді,
Өмірді сүюді үйреткен үш әлем!
Өзімді өзіме билеткен үш әлем!
Сендерге, сендерге ұшар ем,
Сендерді, сендерді құшар ем,
Көз жасы теңізін кеше алмадым,
Табалау тауларын аса алмадым,
Өзгенің жұмбағын шеше алмадым,
Өзгенің жауабын тоса алмадым,
Тас қорғандарды тесе алмадым,
Қара құлыптарды да аша алмадым,
Үш әлем, киелі үштаған – үш ғалам,
Беріңдер, беріңдер, беріңдер күш маған!!!
ЕРЛАН ЖҮСІП