Майлы бояу май айы,
Жан-тәніңе түн жұғар.
Көктем – мезгіл әйәйі,
Құмары бар, тынжы бар.
Әлі кебе қоймаған,
Күн шуағы таңдағы.
Әлі сөне қоймаған,
Жаңбыр ізі – жап-жарық.
Тағы тұрып… түн іші
Бір ғасырға көнердім.
Түзде – қоғам жұмысы,
Үйде – ісі өлеңнің.
Тағы түнмен таласып,
Бір ғасырға жаңардым.
Түзде – адам баласы,
Үйде – әкесі адамның.
Сана – заман шалығы,
Көңіл – құстың тауысы.
Ит даусының жарығы,
Ай нұрының дауысы.
Түннің жады – қыз жады,
Жуар бәрін жаспенен.
Жазу керек бізге әлі,
Жазылмаған баспенен.
Ерлан ЖҮНІС