Дала, дала, ұлы дала,
Ақылы – Аға, есі – Еге,
Қайғысы – Ақын, мұңы – Дана,
О, тәкаппар пешене!
Мен көтере алар ма екем,
Сен көтерген киені,
Маған жеңіл болар ма екен,
Бабалардың сүйегі!?
Дала, дала, ұлы Ұйық,
Ұят – қызы, ары – ұлы,
Болмысы – асқақ, сыры – биік,
Жазмышымның жарығы!
Мен көтере алар ма екем,
Сен көтерген орданы,
Маған жеңіл болар ма екен,
Балалардың арманы?!
Ұлы дала, ұлы аспан –
Уақыттың жүзігі.
Күні – аңыз, түні – дастан,
Маңдайымның сызығы!
Ерлан ЖҮНІС