Бір қолыңда – қаламың,
Бір қолыңда – айбалта,
Айлаң болсын ақылмен.
Уа, Жаратқан,
Сақтай гөр
Нұрсұлтандай ұлымды.
Жарқыратшы айымды,
Жадыратшы жанымды.
Бүлінбесін дүние,
Қамсыз өссін қайғыдан
Бүлдіршіндер тұлымды.
Лайлатпа,
Лайым –
Өзен-көлім – суымды.
Орман-тоғай,
Асқар тау,
Құдығымды,
Құмымды…
Барлық Нұрдың атасы,
Атаңның осы батасы,
Нұрсұлтаным, қайдасың,
Бердім, міне, өзіңе
Аласұрған астымда
Арғымақтың тізгінін.
Елің үшін еңкейтпей
Ерлігімді жалға деп,
Жарылқасын Алла деп,
Бердім саған Туымды!
СЕРІК ТҰРҒЫНБЕКҰЛЫ