Әй, Шонты би, Шонты би,
Домбыра тартсам, келер күй.
Шын ажалың жетпесе,
Ажалдан бұрын өлмессің,
Жалаңаш бар да жауға ти.
Домбыра тартып жырласам,
Жақсылар маған қылар сый.
Ажалдан бұрын өлмессің,
Тілесем тілек, бермессің,
Жыласам, көзімнің жасын көрмессің.
Алақандай Нарында
Мүкәммалым шашылды,
Жүр десем оған жүрмессің.
Құр әңгімеден басқа
Ешнәрсені білмессің.
Махамбет Өтемісұлы