Алда ғой тіршіліктің бар дүрмегі,
бар дүрмек,
барша қызық,
бал күндері,
шорт кесіп соның бәрін бір үкіммен,
айырма үмітімнен, тағдыр мені!
Ширыға түскен болсақ біз егерде,
батпайды дейсің қанша тізелер де, –
Алатын үлесім бар,
күресім бар,
Тағдырым, үмітімді үзе көрме.
Тірлікте табылмайды айырбасы,
Сондықтан үмітімнен айырмашы.
Құшайын –
алысың ба,
ғарышың ба –
ұшайын –
космодром дайындашы!
тек қана үмітімнен айырмашы
Сәкен Иманасов