Атақты болу сән несі,
Ол емес іздеп жүргенім.
Өлеңім, өзім… әммесі –
Меншігім емес бір менің.
Шірену ерсі кем күнге,
Қолыңды созбай шыңға алыс.
Жеңілдім бе? Әлде жеңдім бе
– Халықтың қарауындағы іс.
Даңққұмар ой – ол ақымақ,
Ондайға жаным көнер ме,
Бірдеме айтпай жатып-ақ,
Данышпан болу деген не.
Қиынға салып көр елім,
Қалу да қиын дерексіз.
Өзіңе болса керегім, –
Басқасы маған керексіз.
Сәкен Иманасов