Ей бауырым, ұмытпа, сен адамсың!
Татулықпен таста алға қадам шын.
Кек сақтама, кең ойлағын өмірді,
Кекшіл болсаң, білгін соны надансың.
Өмір саған қайталанбас қазына,
Сол өмірде жаса күліп, жазыла.
Сөзді қуып жолыққанша бәлеге,
Жақсы ойды жиғын қара басыңа.
Ей бауырым, ұмытпа, сен адамсың!
Ойланарсың адам болсақ, надан кім?..
Бәрі жақсы, өздерінше ақ жүрек,
Кек сақтасаң, адам емес надансың.
Кел, бауырым, кең болайық, үлгілі,
Арттырмайық арқамыздан күлкіні.
Менен артық, айлакер жоқ дегенмен,
Талай адам атып алған түлкіні.
Нұрлан Тотанов