Бәрін көрдің арпалыстың,
Жанталасқан жалғанда.
Бәрін жеңдің, алты арыстың,
Аруағындай самғарда!
Күйкіліктен биік ұшқан,
Еркіндігің жеңісің.
Дүниеге жайдың құлаш,
Көз жеткісіз өрісің!
Батысқа да барып қайттың
Шығысқа да шырқадың.
Теңіздің де дәмін таттың,
Көрдің құмның бұрқағын.
Тайганы да араладың,
Тау мен тастан қарғыдың.
Жер мен көкті сараладың,
Жылға татыр әр күнің.
Қыран атын қылым жұртқа,
Қиын сәтте таныттың.
Ақ ниетті мәрттік жырын,
Ай-әлемге ағыттың!
Азат көкте қанат жайып,
Таза рухпен қалықта.
Алтын күннің арайымен,
Ақиығым, шарықта!
Б. Әлімжанов