Өмір деген бәсеке, жарыс дейді,
Жарыста қалып қою намыс дейді.
Қайтсем асып түсем деп басқалардан
Жанталасып арпалыс, алыс дейді.
Қай мұратқа жетті екен жарысқандар,
Бірін-бірі жығам деп алысқандар.
Басқада жарыссаң да, ей, адамзат,
Басқыншылық соғысты бәсеке ғып,
Қырып-жою жолында жарыспаңдар,
Атыңа адам деген жараспай ма,
Жақсылықтың жолында жарыссаңдар.
Б. Әлімжанов