Нұрғали Торғаевтың рухына
Жан көке, жайсаң азамат
Торғайдың ұлы Нұрғали
Меркеде басшы болғанда,
Маңына кісі толғанда,
Әсия жеңешем жанында
Жұлдыздай жарық жанғанда,
Өрімдей жапжас жігітті
Құрдымға кетер жерінен
Құтқарып алып қалғанда,
Жас жүрегі алаулап
Рахмет айта барғанда,
Нұрекеңнің бір сөзі
Ұмытылмас жалғанда!
«Біз жастармен өсеміз,
Алдыңда ұзақ жол деді,
Керегі бар халқыңа
Жақсы азамат бол деді,
Жақсылыққа жақсылық
Бұл өмірде жалғасаң
Рахметің сол!» – деді.
Сөзіне ұйып ағаның
Санаға жүктеп сауалын,
Жігіт кешіп келеді
Өмірмұхит айдынын
Сол сөздің іздеп жауабын,
Нұрекеңнің рухына
Құдайдан тілеп сауабын!