Ақ Жайыққа қыс келді…
Алаулаған жапырақтар түске енді.
Қайратымды көрсетем деп ең соңғы,
Шұнақ аяз тістенді.
Терезеге өрнек салып не түрлі,
Ақ сәулемен айтысқа аяз бекінді.
Мұз астында тұншығады ақ толқын
Шалға тиген жас келіншек секілді.
Шатырларға қуып қала кептерін,
Көрсетуде қыраулы қыс өктем үн.
Жапырақсыз мұңаяды ақ қайың,
Аңсап күтіп қайта келер көктемін.
Ақұштап Бақтыгереева