Читада,
Киевте,
әр жақта,
Владивостокта,
аулақта,
Толқынмен алысқан теңізде
Жиі хат жазыңдар солдатқа.
Аңсаған алыста ауылын,
Құрбысын, бірге өскен бауырын.
Жиі хат жазыңдар солдатқа
Сағынған Сарыарқа жауынын.
Қыздар-ау, өздерің жолдаған
Сәлемнің теңдесі болмаған.
Сендер хат жазыңдар солдатқа
Түндердің тынышын қорғаған.
Читаға,
Киевке,
әр жаққа,
Владивостокқа,
аулаққа,
Қыздар-ау, ұмытпай
Жиі хат жазыңдар солдатқа
Ақұштап Бақтыгереева