Айтасың еске алып Құлагерді,
Ашасың айтқан сайын ішкі шерді,
Атақты Қарауылдың өнерпазы,
Разымын көргеніме Ғазез ерді.
Жігіттің нағыз гауһар түрі екенсің,
Дүние жаннатының гүлі екенсің,
Бұл елде өнерпазы екеу болса,
Дәл соның қатардағы бірі екенсің.
Қайтейін Құлагерім қолдан кетті,
Дұшпанның қастығымен ажал жетті,
Асына Сағынайдың барғанымда,
Жұсыбы Батыраштың қағып кетті.
Ақан Сері