Ой, қалқа, тілің тәтті, лебің балдай,
Қалам қас, ителгі көз, жазық мандай.
Түсінде Бағлан патша ғашық болып,
Секілді сүйген сұлу Күләндамдай.
Ойладым ғашықтыққа жарай ма деп,
Ішінде жанған оттың күйген жандай.
Жүсіптей Жақыпұлы зындандағы
Тұрамыз қасіретіңе біз де жылай.
Қыпша бел бәйге кердің жарауындай,
Кекілің тоты құстың тарауындай.
Қайрылып өзіңді аңсап келген шақта,
Жаутаң көз ақсүңқардың қарауындай.
Қор болып бір жаманға барғаныңша,
Еркек боп тусаң етті, қарағым-ай!
Ақан Сері