Сұрасаң бата тілекпен,
Жақсы сөз шығар жүректен.
Қабылдығы Аллада,
Қол көтердік ниетпен.
Отбасыңа амандық,
Дастарханға қалдық,
Қартайып жасың келгенше,
Көрме ешбір жамандық.
Ақылды болсын ұлыңыз,
Үлгілі болсын қызыңыз.
Адал жар мен сыйласып,
Қызықты өмір сүріңіз.
Тектіден болсын келінің,
Дәстүрін ұстап елінің.
Перзенті болса ұрпаққа,
Артыңда қалар сенімің.
Құда менен құдағи,
Бір-бірімен сыйлассын.
Жастарға айтып ақылын,
Бұрынғының мирасын.
Ағайын болсын аралас,
Малдары болсын қоралас.
Асам деме ешкімнен,
Дәулетің болсын шамалас.
Қанағат қыл барыңа,
Қарамдық жолға дарыма.
Есіңе сақта әрдайым,
Бір алланың барына.
Бес парыздан құр қалма,
Жарылғай көр деп бір Алла.
Кем кетіксіз болмайды,
Қиямет махшар тұр алда.
Күпірлік сөзбен тасыма,
Кемдік көрсең жасыма.
Баянсыз өмір өтеді,
Әркімнің келер басына.
Мейірім-рақым шапағат,
Аз дәулетің қанағат.
Нашарға берсең қол қайыр,
Махшарда саған жол табар.
Дәулетті болсаң болма мас,
Достарың көп дұшпан аз.
Өсек сөзден аулақ бол,
Өтірік сөз жанға қас.
Ақылды Алла мол қылсын,
Денсаулықты зор қылсын.
Адал еңбек кәсіппен,
Азамат табар соңғысын.
Жаратқан ие адамды,
Он сегіз мың ғаламды.
Жүрегіңді нұрмен жу,
Батамыз болсын тәмәмді.
Секен шешен