ӘСКЕРИ ТРИБУНАЛ Қарулы Күштер жүйесіндегі әділеттілікті іске асыратын сот. Ә. т. мемл. қауіпсіздігіне қарсы әрекет еткендерді, Қарулы Күштердің жауынгерлік күш-қуатын әлсіретушілерді, әскери тәртіп пен әскери қызмет атқаруда белгіленген ережелерді өрескел бұзушыларды құқықтық жауапкершілікке шақырып. заңдық талаптарға сай қылмыстық жауапқа тартады. Ә. т-да іс қарау жалпы сотта іс қарау тәртібі негізінде жүзеге асырылады. Ә. т-дың іс қарау қызметіне соттық қадағалау жасау Жоғарғы соттың Әскери коллегиясына жүктеледі.