ӘМІР-ӘЛ-УМАРА — Шығыс елдеріндегі ең жоғарғы әскери атақ, арабша «әмірлердің әмірі» деген сөзі. Елдің бүкіл әскерін басқару үшін әскербасы әмірлердің ішінен бас қолбасшы — Әмір-әл-умара сайланады. Мұндай әскери дәрежеге ие болған адамға әскери тулар, дәреже белгісі — байрақ, бас қолбасшы дабылы (накар) тапсырылады. Бұл әскери белгілерді алып жүретін арнаулы адамдар тағайындалады. Бас әмір хан кеңесінің, әскери кеңестің мүшесі болып, ерекше құрмет белгісі ретінде иелігіне ұлыс, уәлаяттар беріледі.