ӘЛПЕТ — түр-сипатты, сыртқы көріністі білдіретін эстетикалық ұғым. Болмыс түрін білдіретін төрт ұғымның (атау, сапа, әлпет, мағына) бірі. Болмыс түрінің әлпетіне оның сапасы мен мағынасы әсер етуі мүмкін. Адамның көңіл-күйі, ішкі сезімі, ең алдымен, оның бет-әлпетінен көрінеді. Әлпет жеке адамның өзіне тән сыртқы сипатын көрсетеді. Адам әлпетінен ақыл нұры, жан сұлулығы, мейірімділігі, сабырлылығы немесе қатыгездігі, үрейі, қуанышы байқалады.