АУТЭКОЛОГИЯ , аутоэкология – экология ғылымының бір саласы. А. бір түрге жататын жеке-дара организмдердің (саңыруқұлақтардың, өсімдіктердің, ұсақ жәндіктердің, жануарлардың) немесе олардың таралымының тіршілік ететін ортамен ққарым-қатынасын, әр түрлі сыртқы факторларға төзімділігін, сол ортаға физиол. Және морфол. Жағынан бейімдеушілігін зерттейді. Сондай-ақ А-да өсімдіктердің тіршілік ерекшеліктері мен жануарлардың мінез-құлқы, олардың жеке түр саны және биомассасының өзгеруі де бақыланады.