АТМОСФЕРАДАҒЫ АЛМАСЫМ , атмосферадағы конвекция — Жер бетіндегі тығыздығы төмен жылы ауаның жоғары көтерілуімен қабаттасса, суық ауа массасының төмен қарай түсуі. Ауа массасының көтерілуі жылдам болады. Ол бірнеше м/сек-тан 20-30 м/сек-қа дейін жетеді. Алмасым әрекеті тропосфераны ғана қамтып қоймай, стратосфераның төменгі қабатын да қамтиды. Температуралық градиент жоғары болса А. а. күшейеді. Жоғарғы көтерілген қабаттың жылдамдығы өте жоғары болған жағдайда алмасымдық будақ бұлт қалыптасады да, сол аймаққа нөсер жаңбыр әкеледі.