АСТАУ — 1) ағаштан ойылып жасалған, ас салатын ыдыс; 2) мал суғаруға қолданатын науа. Мұның бірнеше түрі бар: ағаш астау, тас астау, темір астау, цемент астау.Ағаш астау — ағаштан ойылып не тақтайдан қиюластырып жасалады. Қоныс аударғанда алып жүруге қолайлы болу үшін А-дың екі басына дөңгелек орнатады. Тас астау табиғи тастан қашалып, ойып жасалады. Темір астау қаңылтырдан жасалады. Цемент астау кірпіштен қаланып, цементпен сыланады.