АҢЫЗ — дәнді дақылдарды орып, жинап алғаннан соң қалған егіс орны. А-ды жеңіл топырақты, қысы желді, қар аз түсетін аудандарда қопсытқыш соқамен сыдыра айдап тастаған пайдалы. Сонда оған қар көп жиналады әрі топырақ жел эрозиясына ұшырамайды. А-да қалған сабақтың биікт. 30 — 40 см болса, оны көктемде жер жыртар алдында маламен таптайды не өртеп жібереді. Болмаса соқа түрені тез мұқалтуы немесе оған өсімдік зиянкестері ұя салуы мүмкін.