АСПАРА — орта ғасырдан сақталған көне қала орны. Жамбыл обл. Жамбыл а-ның маңында орналасқан. Жетісу археол. экспедициясы (1938 — 40 ж. А.Н. Бернштам), 1964 — 65 ж. Л.Б. Ерзакович) зерттеген. Қаланың құлаған қабырғаларының ұз. солт-нде — 245 м, шығысында — 300 м, оңт— нде — 196 м және батысында — 150 м. Цитаделінің аум. 190×160 м, биікт. 15 м. Қаланың негізгі бөлігі 5 — 12 ғ. аралығында қаланған. Дегенмен қазба жұмыстары кезінде оның солт.-шығыс бөлігінде орналасқан бөлігінің 14 — 15 ғ-да болғандығы дәлелденді. Ұлы Жібек жолының бойындағы қала ретінде А. Қытай және араб деректерінде (Сюань-Цзян, ибн Кудам, ибн Хордадбех) жиі кездеседі. Қазба жұмыстары кезінде, мұнда 14 ғ-дың ақыры мен 15 ғ-дың басында Әмір Темір әскерлері тұрғаны анықталды.