АРҚАЛЫҚ (голл. ваlk) — құрылыста және машина жасауда қолданылатын білеу түріндегі құралымдық бөлшек. Негізінен, темір-құйматастан, металдан және ағаштан жасалады. Тірек санына және тірек бекітпелерінің орналасуына қарай А. біраралықты, көп- аралықты, консольді, т.б. болып, ал көлденең қимасының түріне қарай тік бұрышты, тавролы (Т әрпі тәрізді), қос тавролы, қорапты, т.б. болып бөлінеді. Қос тавролы және қорап тәрізді А. салмаққа төзімділігімен және материалдың аз жұмсалуымен тиімді. А-тың жүк көтергіштігі түсетін күштің түріне, аралық ұзындығына, майыспайтындығы мен беріктігіне байланысты болады. Темір-құйматас А. тұтас және құрама етіп жасалады. Мұндай А-тар, әдетте, тұтас көпаралықты болып құралады әрі олардың қимасы тік бұрышты немесе тавролы пішінде болады. Құрамалы темір-құйматас А. жасауға қимасы тік бұрышты тавролы, қос тавролы, т.б. бір аралық- ты А-тар кеңінен қолданыла- ды. Қүрылыста алдын ала кер— неуленген темір-қүйматас А- тар да кең тараған. М е т а л л А. құрылыстың салмақ көп түсетін бөліктеріне қойылады. Тәжірибеде қимасы қос тавролы (прокаттық және құрамалы) және қорап тәрізді (құрамалы) болып келетін металл А-тарды пайдаланған тиімді. А ғ а ш А . біраралықты және кесінді құралым түрінде арасы жақын аралықтарды жабуға тиімді болып есептелінеді. Ол тақтайдан, білеуден және бөренеден дайындалады. Егер аралық үлкен әрі салмақ көп түсетін болса, онда құрылысқа өзара сыналанған, желімделген бірнеше кесіндіден тұратын құрама ағаш А. қолданылады. А-тың беріктігі, салмаққа төзімділігі және орнықтылығы материалдар кедергісі заңы бойынша алдын ала есептеледі.