АНДАЛУЗИТ — силикаттар класына жататын минерал. Хим. формуласы: А12[Sі04]0. Кристалдары ромбылық сингонияда ірі призма немесе бағана тәрізді болып қалыптасады. Сұр, сары, қоңыр, қызғылт, қызыл, жасыл түсті әрі шыныдай жылтыр болады. Қатт. 7 — 7,5, меншікті салм. 3,1 — 3,2 г/см3. А., негізінен, жапсарлы метаморфтану әсерінен түзіледі. Сазды тақтатастар, қайталама кварциттер арасында кездеседі. Орт. Қазақстанда жиі тараған. А. құрамды тау жыныстарынан муллит және кристобалитті шыны өндіріледі.