АЛЫМ — 1) ертеде жер иелерінен алынған салық. Алғашқыда А. заттай, кейіннен ақшалай алынды. Заттай А. қоғамдық қатынастар дамуының алғашқы кезеңінде басым болды. Ақшалай А. тауарлы-ақша қатынасы дамыған кезде өріс алды; 2) Қазақстанда ақшалай немесе заттай алынған салық Қарапайым халық хан-сұлтандарға, би-болыстарға, дін басыларына зекет пен ұшыр төлеген. Зекет мал басынан, ал ұшыр егін өнімінен алынған; қ. Салық.