АЛТЫС — қазақ халқының құрамындағы ру. Шежіре бойынша Орта жүздегі қыпшақ тайпасынан таратылады. Ұраны — Айбас, таңбасы — қос әліп (//). А-тан тараған Келімбет, Сыңай, Бөкей, Сығай, Өзен ұрпақтары қазіргі Қостанай, Ақмола, Қарағанды, Қызылорда облыстарын мекендеген. Тілеулі батыр, Абылай ханның айтулы билері Нияз, Кенжетай, Кенесары ханның үзеңгілес жолдастары Иман, Қошқар батырлар, 1916 жылғы ұлт-азаттық көтерілісінін басшылары Әбдіғапар, Амангелді, қоғам және мемл. қайраткері Ә. Жангелдин осы А. руынан шыққан.