АЛМАТЫ ЭНЕРГЕТИКА ЖӘНЕ БАЙЛАНЫС ИНСТИТУТЫ (АЭБИ) — Республикадағы мемлекеттік емес техникалық жоғары оқу орны. ҚР үкіметінің қаулысымен 1997 ж. Алматы энергет. ин- тының (1977) негізінде құрылған. Орта Азия энергет. мен телекоммуникация мамандарын даярлайтын бірден-бір арнаулы жоғары оқу орны болып табылады. Ин-ттың күндіз және сырттай оқытатын бөлімдерінде 22 мамандық бойынша 3000-нан астам студент оқиды (1997). Ин-т жанында аспирантура бөлімі бар. Өскемен филиалы, 3 мектеп- лицей және Қазақстанның 8 аймағындағы 32 салалық мамандыққа бейімдейтін сынып осы ин-т құрамына енеді. Дәріс оқитын профессорлар мен оқытушылардың 60%-інің ғыл. докт. немесе ғыл. канд. атағы бар (1997). Ин-т ең жаңа оқу жабдықтарымен жарақтандырылған. 1977 — 97 жылдар аралығында ин-тта 1400- ден астам инженерлер, ғыл. қызметкер, өндіріс ұйымдастырушылары мен басшылары даярланды.