АЛМАТЫ КИНОАКТЕРЛЕР МЕКТЕБІ — мемлекетгік арнаулы орта оқу орны. 1943 ж. Алматы көркем және хроникалық-деректі фильмдер киностудиясы жанынан құрылып, 1948 жылға дейін жұмыс істеді. Мектепте реж-лер Ю.Л. Рутковский, Л.Ғ. Ғалымжанова, Н. Бейсеков, Д. Тінәлина, Г. Шомбалова, т.б. сабақ берді. Жұмыс істеген кезеңде әр ұлт өкілдерінен 30-ға тарта кино мамандары даярланды. Олардың қатарында кейін қазақ өнеріне айтарлықтай үлес қосқан К.М. Қожабеков, З.Н. Шәріпова, Т. Қосыбаева, Т. Аверкова, С. Мұхамеджанов, А. Қарсақбаев және М. Әбусейітовтер бар.