АЛДОҢҒАРОВ Ерғали Баймұхамедұлы (1901, бұрынғы Торғай обл. Қостанай уезі Қараабалық болысы, Шұбартеңіз а. — 1930) — Қазақстан Жастар Одағын, қазақ баспасөзін ұйымдастырушылардың бірі. Қостанайда екі жылдық уч— ще, екі жылдық мұғалімдік курсты бітірген. 1919 ж. Қостанай губ. кеңес қызметіне белсене араласып, РКЖО губ. к-тінің мұсылман секциясын ұйымдастырды. 1919 — 25 ж. РКЖО Қырғыз (Қазақ) өлкелік к-тінің төралқа мүшесі, Түркістан РКЖО ОК “Жас қайрат” газетінің, Қырғыз (қазақ) өлкелік “Жас қазақ”, “Пионер” журналдарының алғашқы редакторы, 1926 — 30 ж. “Лениншіл жас” журналының редакторы, “Еңбекші қазақ” (қазіргі “Егемен Қазақстан”) газетінің жауапты хатшысы қызметтерін атқарған.