АЛАКӨЛ КӨМІР КЕНІ — Алматы және Шығыс Қазақстан облыстары аралығында жатқан Алакөл ойысындағы кен орны. Құрамында көмір қабаттары кездесетін қалынд. 300 м-ден астам юра кезеңінің шөгінді жыныстарынан синклинальдық құрылым болып қалыптасқан. Оның ішіндегі көмірлі қатпар (калыңд. 100 — 125 м) кұмтастан, алевролиттен, аргиллиттен, конгломераттан, көмірлі аргиллиттен және 6 көмір қабатынан тұрады. Көмірі гумусті және сапропельді-гумусті, көміртек мөлш. 73,8 — 75,8%, күкірті (0,4 — 0,94%) мен күлі (3,1 — 8,6%) аз, қызуы жоғары (7220 — 7450 ккал/кг). А. к. к. жергілікті отын мұқтажы үшін пайдаланылады.