АҚШАТАЙ, құмағаш таспасы (Astragalus ammodendron) – бұршақ тұқымдасына, таспа туысына жататын бұта. Қазақстанның Бат. Қазақстан, Мұғалжар алқаптарында, Солт. Арал маңы мен Қызылқұм өңірінде өседі. А- дың сабағы ақшыл қоңыр, биікт. 30 см-ден 1 м-ге дейін жетеді. Қатар орналасқан жапырақтарының ұз. 3 — 9 см болады. Гүл күлтесі қызғылт көк түсті келеді. Мамыр — маусым айларында гүлдеп, шілдеде тұқым береді. А. — құмда өсетін құнарлы мал азығы. Сабағы қатаймай тұрған кезде, мал жақсы жейді. Құмды жерлерде кейде қолдан да егеді.