АҚТЕКЕ Бітімшіұлы (т.ж. белгісіз — 1940, ҚХР, Өр Алтай) — Өр Алтайдағы ұлт-азаттық қозғалысын ұйымдастырушылардың бірі. 1940 ж. ақпанда Қытайдағы Алтай аймағының Көктоғай ауданы қазақтарын Шыңжаң өлкесіндегі Шэн Ши Сай үстемдігіне қарсы көтерді. Қару-жарақты жаудан тартып алып, ықпалды жасақ құрды. Қытай әскерлерімен қақтығыста Қарағайты деген жерде жараланып, қайтыс болды. А. бастаған бұл күрес 1945 ж. Алтай халқының жеңісіне ұласты.