АҚТАҢДАҚ (лат. vitiligo — ала шұбар тері, тері ауруы) — терінің кейбір тұстарында меланин пигментінің жойылуынан болатын дақтар. Көбінесе, жас адамдарда кездеседі. Аурудың себебі толық анықталмаған, бірақ жүйке-эндокринді жүйенің бұзылуынан болады деген пікір бар. А-тар бір-бірімен қосылып, ұлғаяды, сол жердегі шаш түспейді, бірақ олар пигментсіз болады. Аурудың жалпы жағдайы өзгермейді. Кейбір А-тар өзінен-өзі жоғалып кетеді. Емді тек дәрігердің бақылауымен жүргізу қажет. А-ты косметикалық жолмен грим жасап, сұйық опамен көмескілеуге болады. Себебі күнге күйген теріде А. өте анық көрінеді. Ауру адам күннің көзінде көп жүрмеуі керек.