АҚМОЛА ОБЛЫСТЫҚ МЕМЛЕКЕТТІК АРХИВІ — Ақмола облысының тарихына байланысты құжаттарды мемл. сақтауға алған арнаулы мекеме. 1924 ж. қазан айында Ақмола уездік архиві болып құрылып, 1928 ж. округтік, 1932 ж. Ақмола ауд., 1939 жылдан бастап А. о. м. а. (1960 — 93 ж. Целиноград о. м. а.) аталды. Архивте облыстық, уездік, аудандық, болыстық ревкомдар мен Кеңестердің атқару к-ттерінің қызметін айғақтайтын 1917 жылдан бергі тарихи құжаттар жинақталған. Облыс жеріндегі кәсіпорындар мен а. ш., халық ағарту, заң қорғау, денсаулық сақтау және мәдени ағарту орындарының жұмысын айғақтайтын құнды деректер сақталады. Тың өлкесі (1960 — 65) кезіндегі бүкіл Солт. Қазақстанның экономикасы мен мәдениетін сипаттайтын қорлар кешені бар. Архивтегі сақталған құжат саны 325 мыңға жуық (1998).