АҚЖЕЛЕҢ — домбыра күйлерінде қалыптасқан музыкалық жанр. Қазақстанның ба- тыс өңірінде әрбір орындаушы өзін күйшілік санатқа кіргізу үшін алпыс екі А-ді түгел тарту шарт болған. Бұл өзіндік орындаушылык мектеп сияқты. Сондықтан ел арасында “Алпыс екі Ақжелең”, “Алпыс екі салалы Ақжелең” немесе “Алпыс екі тамырлы Ақжелең” дейді. Алпыс екі А-ді Қаратас, Аймағамбет, Үсен төре, Айжарық, Молдағали, Тілекеш, Боғда, Рах, Айша, Емберген, Қазанғап сияқты күйшілер түгел орындаған. Ұзақ, Құрманғазы, Дәулеткерей, Қазанғап, Еспай сияқты ұлы күйші-композиторларымыз осы дәстүрді жалғастырып, өз А-дерін шығарған. Қазанғап 62 А-нің ең бірінші күйі “Күй шақырғышқа” “сірке қондырып”, яғни мәнерлеп, байытып орындап, Әзірберген хан ұйымдастырған күйшілер сайысында бас жүлдеге ие болған.