АҚЖАПЫРАҚ (Jurinеа) — күрделі гүлділер тұқымдасына жататын көп жылдық шөптесін өсімдік. Қазақстанда 51 түрі бар. Олар респ-мыздың батыс, орталық, шығыс обл- тарында кездеседі. Оның 28-і — эндемиктер. Биікт. 8 — 60 см-дей болады. Атпа сабақты немесе сабақсыз өседі. Жапырақтары, көбіне, ұзынша келеді. Себет гүл шоғыры дара жетіледі немесе қалқанша тәрізді екінші реттегі гүл шоғырына бірігеді. Себетте бірыңғай түтікше пішінді жетілетін гүлдердің саны көп, кейде бірнешеу болады. Олар қорғаныш қызметін атқаратын болғандықтан, әрбір гүлдің сыртындағы тостағанша жапырақтары майда түкке айналған. 5 күлте жапырағы кірігіп, түтік түзеді. Сәуір — маусым айларында гүлдеп, мамыр— шілдеде жемістенеді. Жемісі — тұқымша. А-тар — шірнелі, ландшафт түзетін өсімдіктер.